O colexio internacional Eiris visitanos por terceira vez nesta ocasión co pulo dun campus de veran anglo-español

Un grupo de preto de oitenta nenos e nenos coruñeses do Colexio privado Internacional Eirís da Coruña, conxuntamente con outros alumnos/as do mesmo colexio homónimo londinenses, en idades comprendidos entre os 3 e 14 anos de idade, cos seus profesores-titores Lucía Rodríguez, Mar Cantarero, Nuria Montes, Elvira Bestilleiro, Adrián Cañizo, Antía Souto e Carmen Cacheiro que exercía de supervisora da actividade, o venres pasado visitaron o Museo Etnolúdico de Galicia ( MELGA) de Ponteceso, cunha duración de case tres horas de percorrido polas salas do museo.

Os visitantes constituían un grupo moi heteroxéneo, pois as súas idades eran un pouco dispares, pero coa axuda dos profesores/ as do centro escolar, a sesión teórico-práctica matinal levou extraordinariamente, aínda que nalgunhas situacións tivésese que reorganizar o grupo en varios subgrupos, xa que as explicacións e os xogos tiñan que ser adaptados aos niveis de cada idade.

Un novo feito relacionado coas visitas ao MELGA, xogáronse e explicaron xogos galegos, do mundo e por suposto en honra aos alumnos/ as extranxeiros, os xogos británicos que fixeron as delicias de todos, nun intercambio internacional escolar, saíndo en moitas ocasións a vea “nacional” en defensa das súas cores patrias.

Ultimamente estamos a comprobar que, moitos grupos familiares, que viñan en visita libre, ao final únense ao grupo principal, para seguir a visita guiada coas explicacións do director do museo. Outro quinto mes de xullo, en ascenso, pois a asistencia segue sendo moi ampla ás nosas instalacións museísticas.