Do Val D’Aosta (Italia) a Galicia (España), para visitar o Melga de Ponteceso

Hoxe mércores 20 de setiembre, o presidente da Fundación Ricardo Pérez e Verdes, tivo a gran satisfacción de recibir, no Museo Etnolúdico de Galicia (MELGA),  unha visita sorpresa,  dos seus amigos italianos Rinaldo Bal, Fabricio Ferreri e Dino Berti coas súas correspondentes esposas. Devanditos colegas, son membros da Asociación Europea de Xogos e Deportes Tradicionais, presidentes das federacións italiana de xogos e deportes tradicionais en diferentes modalidades deportivas e directivo da Federación Mundial de Educación Física, e representante  do Comité Olímpico Nacional Italiano (CONI) respectivamente.

A nosa presentación e amizade vén dada desde fai catro anos, cando participabamos por primeira vez no Festival Internacional  do Xogo na rúa (TOCATI) en Verona (Italia). A súa promesa de vir a Galicia sempre estivo no seu pensamento, pero non foi ata este momento, xa que a ocasión era propicia, aproveitando a súa peregrinación á cidade de Santiago de Compostela a través do Camiño de Santiago.

Despois da agradable sorpresa, tras dúas horas de visita guiada polo MELGA, observaron que na vitrina correspondente a outros xogos e deportes tradicionais do mundo da primeira sala, alí atopábanse todas aquelas pezas (fiolet, tzan, rabatta, ruzzola, birilli, lipa, palet, battagliola, etc..), que os nosos amigos doárannos para a inauguración do Museo Etnolúdico de Galicia (MELGA). As pezas italianas, dentro da sección de xogos e deportes tradicionais doutros países, é moi importante e destacable grazas á súa colaboración desinteresada.

Aproveitando o pouco tempo dispoñible, os ilustres visitantes, foron acompañados en todo momento polo presidente da Fundación, para realizar con eles un rápido percorrido turístico polo concello de Ponteceso/Corme, por Cabana/Dombate, Laxe e Malpica/Buño, e darlles a coñecer a espléndida beleza da paisaxe que temos, os monumentos máis importantes, as nosas praias e pobos e, por suposto, o deleite das  exquisiteces gastronómicas da zona.

A satisfacción sobre o encontro acontecido no día de hoxe, podémolo cualificar por ambas as partes,  como un dos días mais memorables do ano, pois é dun gran mérito que alguén que vén de tan lonxe, desexe coñecer un pequeno museo en Galicia (España) e que está situado na pequena vila de Ponteceso (A Coruña) na zona da Costa da Morte.

Grazas amigos Rinaldo, Sergio e Dino por acordarvos de nós e facernos felices nunha xornada tan completa de amizade e convivencia e que non dubidamos, xa que así o expresastes, que seredes os grandes divulgadores da nosa terra pondaliana  e do MELGA, entre todos os vosos amigos e familiares para que algún día visítennos e coñezan. Cremos que vale a pena!  Seguro!

Leave A Comment