HORARIOS VERÁN 2026

O Museo MELGA comunica a tódolos posibles visitantes os novos horarios para este verán 2026, vixentes desde o 11 de xullo ata o 15 de setembro. Para as visitas libres, o recinto abrirá os sábados pola mañá e pola tarde (de 11:00 a 14:00 h. e de 17:00 a 20:00 h.) e os domingos de mañá (de 11:00 a 14:00 h.). Pola súa banda, as visitas guiadas realizaranse de luns a domingo en horario de mañá (de 11:00 a 13:00 h.) e requiren obrigatoriamente cita previa cunha semana de antelación para un grupo mínimo de 15 persoas. Recomendamos contactar co museo antes de desprazarse a Ponteceso para confirmar a dispoñibilidade en cada data.

A información completa está neste artigo.

Para calquera dúbida ou xestión, por favor, poñédevos en contacto connosco nos teléfonos 981.71.54.42 ou 661.29.02.46, ou a través de info@museomelga.com.

O Museo Etnolúdico de Galicia

O Museo Etnolúdico de Galicia (MELGA) é unha institución museolóxica de carácter permanente que ten como misión fundamental a conservación, investigación e difusión do patrimonio cultural galego relacionado co xogo tradicional, co deporte tradicional e coa historia do xoguete. Nel tamén se mostran obxectos e pezas de grande interese, procedentes de España e de pobos e rexións da xeografía mundial.

O MELGA é un espazo de compromiso co pasado lúdico que serve de instrumento didáctico para as presentes e futuras xeracións, no que se organizan multitude de actividades e eventos anualmente.