A empresa Esproade repite esta semana visita guiada ao MELGA

Esta mañá recibimos a medio centenar de nenos e nenas do campamento Rías Altas da Coruña, que viñan organizados pola empresa de actividades de servizos integrados sociais e instalacións deportivas ESPROADE. Esta asistencia ao Museo Etnolúdico de Galicia (MELGA), correspondía á súa segunda ocasión nesta semana, xa que o pasado xoves visitáronnos os nenos e nenas das colonias de Carral (A Coruña). Os campistas contaban con idades entre os 3 e os 11 anos aproximadamente e viñan acompañados dos monitores Maribel Barros, Sonia Izquierdo, Sofía Lamela e Iris Castro e dous monitores en prácticas.

Aínda sendo a maioría visitantes de pouca idade, aguantaron «estoicamente» case as tres horas de percorridos polas salas do museo, escoitando as explicacións, hai que dicilo moi atentamente, que se lle transmitían así como a práctica de xogos tradicionais adaptados ás súas idades. Como todos os grupos que asisten ás visitas guiadas, sempre teñen a intención de lograr algunha marca nos diferentes xogos, pero como en moitos outros, neste caso non lograron ningún dos pretendidos.

O agasallo para o campión da visita foi para o neno de 8 anos Hugo Brandaríz, que levou a colección de buxainas e o xogo do pai-nai-fillo (en raia) do MELGA e os establecementos LAR de Cee, que nos deseñou, confeccionou e doou devandito xogo tradicional tan universal para ofrecerllo aos nosos visitantes como recordo da súa estancia en Ponteceso.

Niños del campamento rías altas de a coruña atienden las explicaciones de ricardo perez y verdes en el museo melga

Niños del campamento rías altas de a coruña juegan a un juego tradicional en el museo melga

Leave A Comment

Este sitio emprega Akismet para reducir o spam. Aprende como se procesan os datos dos teus comentarios.