Dúas xornadas seguidas de visita ao Museo do colexio Andaina

Se onte martes recibimos nas instalacións do Museo Etnolúdico de Galicia (MELGA), cuxa sede se atopa en Ponteceso, unha trintena de alumnos e alumnas de cuarto “B” de ensino primario, do colexio privado CPR Andaina da Coruña, para realizar unha visita guiada, hoxe mércores día 10 de maio-23, recibimos de novo ao mesmo centro escolar, con outra quenda de trinta compoñentes, aínda que agora o grupo correspondía ao 4º “A”. Viñan acompañados pola súa profesora-titora Clara Martín que era a súa primeira vez en visitarnos e a profesora de apoio Andrea Mariña que asistira onte e hoxe repetía de novo.

Co mesmo esquema de onte, tanto na organización do traballo, tempo dispoñible e un número ideal para o desenvolvemento dunha visita guiada, as máis de tres horas e media levadas a cabo para as mesmas resultoulles curta, aínda que iso se, moi divertida, entretida e entusiasmados por ter a ocasión de visitarnos. Tanto é así, que ao finalizar o percorrido polo museo a súa titora comentounos: “No centro docente, sempre están pendentes da merenda, da comida, do descanso, etc. e nesta ocasión non oín a ninguén solicitar ningún destes apartados, aínda así pasando máis de tres horas e media de teoría e práctica. Sen dúbida iso é síntoma de que o pasaron moi ben”.

Ademais por parte da súa titora, tamén nos comunicou que facía varios anos que tentara o poder asistir a unha visita guiada e non o conseguía e hoxe por fin! a súa dita fora satisfeita, quedando marabillada do recinto e das pezas expostas e que sen dúbida… repetiría proximamente.

Como curiosidade temos que comentar, que o colexio CPR Andaina coruñés, ostenta o record de visitas guiadas ao noso museo, en total foron 10 grupos, desde que no 2021, iniciaron a súa andaina polo MELGA e que non deixan de asistir cada ano nesta cita anual.

Leave A Comment

Este sitio emprega Akismet para reducir o spam. Aprende como se procesan os datos dos teus comentarios.