O municipio de Negreira súmase ás visitas guiadas

Un reducido grupo de nenos e nenas da Escola de Educación Infantil de Aro do veciño municipio de Negreira, hoxe visitaron por primeira vez, o Museo Etnolúdico de Galicia (MELGA) de Ponteceso.

Reducido tanto en idade como compoñentes xa que as idades ían desde os 3 aos 5 anos e o grupo era de 11 compoñentes. Viñan acompañados da súa profesora Sandra Albor que exercía de directora do centro e como representante do grupo.

Aínda sendo de tan curta idade, os nenos que nos visitaron, estiveron sempre moi atentos, durante preto das dúas horas, aguantando como “ jabatos” as explicacións do noso director Ricardo Pérez e Verdes. Como é preceptivo, con estas idades, os xogos eran adaptados ás súas condicións, tanto físicas como intelectuais.

Ao ser poquitos, a visita guiada foi case personalizada, pois había que axudarlles en cada un dos xogos que experimentaban. Outra sesión lúdica moi dinámica e de gran interese experimental.

Leave A Comment

Este sitio emprega Akismet para reducir o spam. Aprende como se procesan os datos dos teus comentarios.