Outro centro escolar que se une ás visitas guiadas

Hoxe visitounos por primeira vez o Museo Etnolúdico de Galicia (MELGA), un centro escolar procedente do concello de Coristanco, o CEIP. de Bormoio-Agualada , cun grupo moi heteroxéneo e numeroso, preto dos cen nenos e nenas, en idades comprendidas entre os 3 e os 11 anos, desde o ensino infantil ata o último curso do ensino primario. Viñan acompañados das súas sete profesoras e profesores titores Alba Alvedro, Lorena Fariña, Asier Fraga, Marta Neira, Diego López, Laura Ponche e a súa directora Olallla Formoso

Outro centro escolar que se une ás visitas guiadas

A xornada matinal transcorreu cunha exquisita atención e participación extraordinaria. Aínda que a visita foi moi curta, un pouco máis de dúas horas, visitaron aínda que dunha maneira rápida, abrigo a segunda sala, podendo darlle unha visión moi xeral a ambas. Aínda sendo un grupo moi heteroxéneo, todos estiveron á altura que se lles propoñía. Aínda que o tentaron en moitas ocasións, realizar algunha marca para a posteridade, non obtiveron o resultado empeñado. Tampouco houbo gañador nesta ocasión da visita guiada.

Outro centro escolar que se une ás visitas guiadas

Todos estaban convencidos de que había que volver, ben particularmente ou de novo cos dous ciclos de educación infantil e educación primaria, pero con máis tempo. Todos quedaron asombrados do que escoitaran e practicaran durante o tempo que permaneceron no MELGA. Felicitacións tanto a alumnos como a profesores por esta velada lúdica galega.

Leave A Comment

Este sitio emprega Akismet para reducir o spam. Aprende como se procesan os datos dos teus comentarios.