Español
Na Semana do V Aniversario da Fundación e o MELGA o sábado día 29, penúltima xornada, á mesma hora que os “Recordos lúdicos”, coordinada e desenvolvida dita sesión polo director do MELGA na sala de conferencias do Centro Cultural, sobre as 11,00 h. da mañá, na Biblioteca Municipal do Centro Cultural deu inicio co profesor Eduardo Dopico Prego un Taller sobre o Xadrez e as súas variantes na antigüidade.
O educador primeiramente convocou a todos os participantes, a percorrer nunha profunda revisión as dúas salas do MELGA, identificando cos alumnos a totalidade dos xogos de xadrez e xogos de taboleiros a través da historia alí expostos e a continuación realizou na aula unha práctica sobre o xogo do xadrez, do alquerque,do ludus latrucumlorum, do shogi, do go,do xiangqi, etc. , ademais de ensinarlles a maneira correcta de coller as fichas en cada xogo, a terminoloxía específica, formas de tirar os dados, … Pais, nais e fillos entretivéronse do “lindo” practicando entre eles, baixo a dirección do profesor, retándolles en cada unha das partidas realizadas. Outra actividade para realizar con máis frecuencia, desexando que en próximas convocatorias sexa mais abundante a participación.
Rematado o taller na súa versión teórico-práctica, o director do MELGA, fixo entrega ao mestre, dunha placa conmemorativa pola súa colaboración neste acontecemento do V Aniversario e concedéuselle o pin do museo, que corresponde á súa pertenza como membro de Honra do mesmo.
Leave A Comment