Un grupo escolar de Carballo realizou a penúltima visita guiada ao Melga de Ponteceso neste mes de Agosto

Hoxe achegáronse ao Museo Etnolúdico de Galicia ( MELGA) o penúltimo grupo que realiza unha visita guiada do presente verán 2018. Os compoñentes do grupo formábano preto de 40 nenos e nenas da Escola Infantil Xilgaros S. L. de Carballo, con idades comprendidas entre os 3 e os 8 anos. Viñeron acompañados polas súas profesoras María Vázquez, Noelia Rego e Yolanda Nouche que exercía a coordinación do grupo.

A visita guiada estivo dirixida polo director do MELGA, que con máis de dúas horas e media de percorrido polas salas museísticas, que explicou con detalle aquelas pezas de interese e valor que posúe o museo, ademais de practicar con moitos deles os diferentes regulamentos dos xogos de Galicia e do mundo, botando un desafío con moitos dos alí presentes. As propias profesoras practicaron con alegría e interese, todos os xogos programados, para despois levalos ao centro escolar e de novo volver aplicalos.

Aínda sendo un grupo moi heteroxéneo, o grupo foi magnífico, tanto en disciplina, interese e colaboración, dando ao máximo das súas enerxías. Devandito grupo era a primeira vez que nos visitaba desde a nosa inauguración.

Leave A Comment

Este sitio emprega Akismet para reducir o spam. Aprende como se procesan os datos dos teus comentarios.